აშშ-ის პრეზიდენტი ჯო ბაიდენი 24 თებერვალს ევროპაში ჩასვლას გეგმავს. ინფორმაციას NBC News აშშ-ის პრეზიდენტის ადმინისტრაციის რამდენიმე წყაროზე დაყრდნობით ავრცელებს.

ვიზიტისთვის სხვადასხვა ადგილი განიხილება, მათ შორის პოლონეთი.

წყაროს ცნობით, ბაიდენის მიზანია გამოიყენოს ეს მომენტი, რათა ყურადღება გაამახვილოს უკრაინის გამძლეობაზე რუსეთის სასტიკი ომის წინააღმდეგ და დაადასტუროს აშშ-ის სოლიდარობა უკრაინელი ხალხის მიმართ იმ დროს, როდესაც ომი ახალ ფაზაში შევა.

სამი ამერიკელი მაღალჩინოსნის სიტყვებით, ბაიდენის ადმინისტრაციის წარმომადგენლები ასევე განიხილავდნენ უკრაინისთვის კიდევ ერთი დიდი მოცულობის სამხედრო პაკეტის გამოყოფის შესაძლებლობას უკრაინაში რუსეთის შეჭრის წლისთავთან დაკავშირებით.  

ბაიდენის ვიზიტთან დაკავშირებით საბოლოო გადაწყვეტილება ჯერ კიდევ მიღებული არ არის.