თბილისის საქალაქო სასამართლოში მიხეილ სააკაშვილისთვის სასჯელის მოხდისგან გათავისუფლების ან სასჯელის გადავადების საქმეზე მორიგი სხდომა დაიწყო. დღევანდელ პროცესზე დიდი ალბათობით პენიტენციური სასამართლოს წარუდგენს ალტერნატიულ დასკვნას, რომელიც იუსტიციის სამინისტროს დავალებით სამხარაულმა შეასრულა. 

დაცვის მხარე ამბობს, რომ ეს დასკვნა მაგალითია, თუ როგორ არ შეიძლება შესრულდეს სასამართლო-სამედიცინო დასკვნა.

"ერთხელ უკვე ამ ტიპის შუამდგომლობა დააყენეს, მათ უნდოდათ ექსპერტიზის ჩატარება, ამაზე მოსამართლემ უარი თქვა, ეს არის იგივე ხასიათის და შინაარსის შუამდგომლობა, ამაზეც მოსამართლემ უარი უთხრა, გარდა ამისა, ჩატარებულია ფსიქიატრიული და ნარვოლოგიური ექსპერტიზა ისე, რომ არ არის ნანახი პაციენტი, მსგავსი რამ დედამიწის ზურგზე ფიზიკურად შეუძლებელია", - თქვა შალვა  ხაჭაპურიძემ. 

საქართველოს იუსტიციის მინისტრმა, რატი ბრეგაძემ ბრიფინგზე განაცხადა, რომ ლევან სამხარაულის ექსპერტიზის ეროვნული ბიუროს დასკვნის მიხედვით, სააკაშვილთან დაკავშირებით ცენტრ „ემპათიის“ დიაგნოზები არ არის სარწმუნო და უტყუარი.