„ნაციონალური მოძრაობის“ პოლიტსაბჭოს თავმჯდომარემ, კობა ნაყოფიამ პარტიის თავმჯდომარის არჩევნებთან დაკავშირებით საინფორმაციო ბრიფინგი გამართა.

„გუშინ, 10:00 საათზე შეწყდა ამომრჩეველთა რეგისტრაცია და ამ დრომდე გამფილტრავი ჯგუფები მუშაობენ ადამიანების იდენტიფიცირებაზე, რომლებიც შესაძლოა, ამომრჩეველთა სიებში აღმოჩნდნენ სხვადასხვა მანიპულაციის შედეგად, ან არ წარმოადგენენ „ნაციონალური მოძრობის“ მხარდამჭერებს.

ჩვენი წინასწარი ინფორმაციით, ასეთი ადამიანთა რიცხვი არ აღემატება საერთოდ რაოდენობის 2-3 პროცენტს. თუმცა ეგეც საბოლოოდ გაირკვევა დღეს, როდესაც შეიკრიბება საარჩევნო კომისია საბოლოო სიების დასამტკიცებლად, რომელიც გაეგზავნება ჩვენს ამერიკელ პარტნიორებს, რომელიც ატარებენ არჩევნებს. 50 ათასამდე ადამიანი დარეგისტრირებული, ეს უპრეცედენტო რაოდენობა.

ხვალ 10:00 საათზე მიეცემა სტარტი არჩევნებს, უკვე ხელმისაწვდომი იქნება ის გვერდი, რომლითაც შესაძლებელი იქნება ხმის მიცემას. მოვუწოდებდი ყველას, ვინც დარეგისტრირდა არჩევნებში, აქტიურად მიიღონ მონაწილეობა. მინდა, დაგარწმუნოთ, რომ არჩევნები იქნება ფარული, ვერავინ ვერასდროს გაიგებს მიიღეთ თუ არა თქვენ არჩევნებში მონაწილეობა და ვის მიეცით ხმა. ამის აბსოლუტური გარანტი არსებობს, ეს არჩევნები არის სრულად ფარული და წვდომა არავის აქვს. არჩევნები დასრულდება 30 იანვარს 10:00 საათზე, შედეგები გამოცხადდება 30 იანვარს ვვარაუდობთ, რომ 12:00 საათისთვის.

არჩევნების მსვლელობისას „ნაციონალური მოძრაობა“ , 12:00; 15:00; 18:00 და 21:00 საათზე მოგაწვდით ინფორმაციას, როგორ მიდის არჩვენები და რამდენმა ადამიანიმა მიიღო მონაწილეობა“, – განაცხადა ნაყოფიამ.