უკრაინის პრეზიდენტის ადმინისტრაციის ხელმძღვანელის მრჩევლის, მიხაილო პოდოლიაკის თქმით, საერთაშორისო ოლიმპიური კომიტეტი ომის, მკვლელობისა და ნგრევის ხელშემწყობია. ამის შესახებ პოდოლიაკი twitter-ზე წერს და საერთაშორისო ოლიმპიურ კომიტეტს ომის პროპაგანდისტს უწოდებს.

"საერთაშორისო ოლიმპიური კომიტეტისიამოვნებით ადევნებს თვალს, როგორ ანადგურებს რუსეთი უკრაინას და შემდეგ სთავაზობს რუსეთს პლატფორმას გენოციდის პროპაგანდისა და შემდგომი მკვლელობების წახალისებისთვის. ცხადია, რუსულ ფულს, რომელიც ყიდულობს ოლიმპიურ თვალთმაქცობას, სისხლის სუნი არ ასდის", - წერს პოდოლიაკი.

როგორც ცნობილი გახდა, საერთაშორისო ოლიმპიური კომიტეტი განიხილავს შესაძლებლობას, რომ რუს სპორტსმენებს ოლიმპიადებში მონაწილეობის უფლება მიეცეთ.