„მათი აზრით, ისინი ამ კლიმატს ქმნიან იმ ხალხისთვის, რომელიც ჯერ კიდევ მათი მხარდამჭერია და პროდასავლურია, რომლებიც ჩემი აზრით, იმედი მაქვს, რომ შეიცვლიან ამ პოზიციას, თითქოს ეს ისედაც ასე იყო და ეს მძიმე შედეგი საქართველოსთვის არის სხვა რაღაცის ბრალი.

ოღონდ ჩვენ არ უნდა დაგვავიწყდეს, რომ მეორე, მთავარი ხელით ეს ხალხი თან იძახის, რომ დასავლეთი მტერია, თითქოს ომი უნდათ საქართველოში ამერიკას, ევროპას, თითქოს მაგიტომ არ მოგვცეს კანდიდატობის სტატუსი რომ ომი არ დავიწყეთ. მოლდოვის მაგალითს ივიწყებენ, რაღაც სისულელეს პასუხობენ, მოლდოვაში ომი არაა, თუმცა მიიღეს კანდიდატობა“ - ასე ეხმაურება ევროპული საქართველოს თავმჯდომარე, გიგა ბოკერია ირაკლი კობახიძის მიერ ევროკომისიის გამოქვეყნებულ დოკუმენტზე გაკეთებულ განცხადებას

„ამიტომ არ უნდა მოვიტყუოთ თავი, ყველა მოლოდინი და გარჩევა იმაზე, თუ რა მოხდება 12 პუნქტზე და რას ამზადებენ. რეჟიმი, რომელიც წლებია კულტივირებს და ახლა ჩვენი მთავარი მოკავშირის ღია შეტევაზე გადავიდა, იმ სამყაროს წინააღმდეგ, რომლის ნაწილიც ჩვენ უნდა ვიყოთ, ვერ იქნება საქართველოს შემყვანი უსაფრთხოებისა და თავისუფალ ზონაში, ეს გამორიცხულია.

კანდიდატობა რომც დაგვცემოდა თავზე გეოპოლიტიკური მოსაზრებებით ან რაღაც კარგი რომ მოხდეს, ეგ ჰომ მხოლოდ ერთი ინსტრუმენტია, იმდენი ნაბიჯია გადასადგმელი ნატოში გაწევრიანებისთვისა და ევროკავშირისკენ სვლისთვის, რომ ზეაქტიური მთავრობა გვჭირდება, რომელიც თავს კი არ იმართლებს პუნქტებზე, არამედ პირიქით, აწვება დასავლურ სამყაროს, რომელშიც ჯერ კიდევ არიან სკეპტიკოსები, რომ საქართველოს ადგილი იქაა, ხოლო ჩვენთან პირიქითაა ყველაფერი“ - განაცხადა გიგა ბოკერიამ