უკრაინის პრეზიდენტის ოფისის მრჩეველი მიხაილო პოდოლიაკი რუსეთის უშიშროების საბჭოს ხელმძღვანელის დმიტრი მედედევის განცხადების საპასუხოდ ამბობს, რომ უკრაინა ანექსირებულ ყირიმს ნებისმიერ საშუალებით გაათავისუფლებს. ამის შესახებ პოდოლიაკი Twitter-ზე წერს.

„საერთაშორისო სამართალი მკაფიოა. უკრაინას შეუძლია თავისი ტერიტორიების გათავისუფლება ნებისმიეირ ინსტრუმენტის გამოყენებით. ყირიმი - უკრაინაა.

ამიტომ რუსეთის ფედერაციის ოფიციალური პირების მუქარა „შურისძიების დარტყმებით“ - ეს მხოლოდ რუსეთის  ფიქსაციაა მასობრივი მკვლელობის ჩადენის განზრახვის და დაშინების მცდელბა რუსეთის ტრადიციულ სტილში. ყოველთვის უგულებელყავით მედვედევი“, - წერს პოდოლიაკი.

მედვედევმა განაცხადა, რომ უკრაინის მხრიდან ყირიმზე დარტყმის შემთხვევაში რუსეთი მზად არის, ყველა სახის იარაღი გამოიყენოს.

მედვედევმა მცდარი უწოდა დასავლელი პოლიტიკოსების მოსაზრებას, რომ უკრაინისთვის რუსეთის ტერიტორიაზე დარტყმებისთვის იარაღის გადაცემა სიტუაციის დიპლომატიურ დარეგულირებას ხელს შეუწყობს.

„შედეგი იქნება სრულიად საპირისპირო. ასეთ შემთხვევაში არანაირი მოლაპარაკებები არ იქნება. იქნება მხოლოდ შურისძიების დარტყმები. ცეცხლში გაეხვევა კიევის ხელისუფლების ქვეშ დარჩენილი მთელი დანარჩენი უკრაინა“, – განაცხადა მედვედევმა.