თურქეთსა და სირიაში მიწისძვრის შედეგად დაღუპულთა რაოდენობამ 2 300-ს გადააჭარბა
თურქეთსა და სირიაში დაღუპულთა რაოდენობამ 2 300-ს გადააჭარბა. ბოლო მონაცემებით, მიწისძვრის შედეგად, მსხვერპლის რიცხვმა 1 498-ს მიაღწია მხოლოდ თურქეთში, 430 დაღუპულია სირიის მთავრობის მიერ კონტროლირებად ტერიტორიაზე, 380-ზე მეტი კი, მეამბოხეების მიერ კონტროლირებადზე.
ამასთან, მზარდია დაშავებულთა რაოდენობაც.
ბოლო ცნობებით, თურქეთში დაშავებულთა რაოდენობა 7 600-ს აღწევს, ასადის მიერ კონტროლირებად ტერიტორიაზე კი 1 300-ს.
