გერმანიის მთავრობამ უკრაინისთვის 178 ერთეული Leopard 1-ის ტიპის ტანკის გადაცემის გადაწყვეტილება მიიღო
გერმანიის მთავრობამ უკრაინისთვის 178 ერთეული Leopard 1-ის ტიპის ტანკის გადაცემის გადაწყვეტილება მიიღო.
გერმანიის თავდაცვის სამინისტროს ცნობით, ეკონომიკის სამინისტრომ გერმანული იარაღის კომპანიებზე 178-მდე Leopard 1A5-ის წარმოების ლიცენზია გასცა.
"ის, თუ რამდენ Leopard 1A5-ს მიიღებს რეალურად უკრაინა, სარემონტო სამუშაოების მიმდინარეობაზე იქნება დამოკიდებული". - განმარტავენ თავდაცვის სამინისტროში.
გერმანიის თავდაცვის სამინისტროს ცნობით, იარაღის გადაცემის პოლიტიკური გადაწყვეტილება მთავრობამ გასულ კვირაში უკვე მიიღო.
გერმანიის თავდაცვის მინისტრმა, ბორის პისტორიუსმა კიევში მოულოდნელი ვიზიტის დროს განაცხადა, რომ ზაფხულისთვის უკრაინას 20-დან 25 ტანკამდე უნდა მიეწოდოს, წლის ბოლომდე კი – 80-მდე. ბერლინის მიზანია 100-ზე მეტი ტანკის გადაცემა 2024 წლის პირველი ან მეორე კვარტლის განმავლობაში, რაც ნიშნავს, სულ მცირე, სამი უკრაინული ბატალიონის აღჭურვას.
ამის გარდა, გერმანია ევროპის სხვა ქვეყნებთან ერთად ტანკების შეკეთებასა და უკრაინელი ტანკისტების წვრთნების დაფინანსებას გეგმავს.
