სააკაშვილის საკითხი დღის წესრიგიდან რომ არ მოიხსნას, თურმე მილიონობით დოლარი იხარჯება, რომელიც თავიდან იყო საქართველოს ბიუჯეტიდან მოპარული ლარი და გადახურდავდა, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ განაცხადა.

მან კომენტარი გააკეთა აშშ-ის იუსტიციის დეპარტამენტის მიე გამოქვეყნებულ მონაცემებზე, რომლის თანახმად, ექს-პრეზიდენტ მიხეილ სააკაშვილის ოჯახმა ამერიკულ ლობისტურ კომპანია „აკერმანს“ 917 177 დოლარი გადაუხადა.

„სააკაშვილის საკითხი დღის წესრიგიდან რომ არ მოიხსნას, თურმე მილიონობით დოლარი იხარჯება. მილიონობით დოლარი, რომელიც გადახურდავდა, თავიდან იყო ლარი, საქართველოს ბიუჯეტიდან მოპარული. გიული ალასანიას დღევანდელი განცხადება ყველაფერზე მოწმობდა. მისი გაღიზიანებაც ყველაფერზე მოწმობდა, ისეთი თემა ამოუვარდათ, რომელსაც არაფრით ისურვებდნენ. არც ფულის გადახდას იმ კომპანიაში, რომლითაც სიმულაცია და ავადმყოფობა პიარდება. მსოფლიოში ალბათ პირველი შემთხვევაა, როდესაც ავადმყოფობას და სიმულაციას პიარი, ლობისტები დასჭირდა. მათ პასუხი აქვთ გასაცემი მთავარ კითხვაზე, საიდან ამხელა თანხები კონკრეტული ადამიანის ხელში, რომელსაც ეს დეკლარირებული არსად აქვს. მილიონი დოლარი პიჯაკების თანხაა? ცხრა მილიონის მოპარვას პიჯაკების საქმედ რომ ნათლავდნენ, ეს პიარი ხომ წყალში ეყრებათ“, – აღნიშნა მამუკა მდინარაძემ.