უკრაინის პრეზიდენტი, ვოლოდიმირ ზელენსკი ბუკინგემის სასახლეში ბრიტანეთის მეფე ჩარლზ III-ს შეხვდა.

დღეს ვოლოდიმირ ზელენსკი ომის დაწყების შემდეგ ბრიტანეთს პირველად ეწვია. ის შეხვდა პრემიერმინისტრს, რიში სუნაკს და სიტყვით გამოვიდა პარლამენტში.

ზელენსკიმ ბრიტანეთის პარლამენტში გამოსვლისას მოუწოდა ლონდონს უკრაინის შეიარაღებული ძალებს საბრძოლო თვითმფრინავები მიაწოდონ. დღეს, 8 თებერვალს, უკრაინის პრეზიდენტი ვიზიტით ლონდონში ჩავიდა, ის უკვე შეხვდა პრემიერ-მინისტრ რიში სუნაკს და მეფე ჩარლზ III-ს ბუკინგემის სასახლეში.

 „ჩვენ გვაქვს თავისუფლება, მოგვეცით ფრთები, მის დასაცავად, – თქვა ზელენსკიმ თემთა პალატის წინაშე სიტყვით გამოსვლისას.

ზელენსკიმ ასევე მოუწოდა გაერთიანებულ სამეფოს, განაგრძოს სანქციების დაწესება რუსეთის წინააღმდეგ, რათა მან ვეღარ შეძლოს უკრაინაში ომის დაფინანსება. 

ამასთან, პრეზიდენტმა მადლობა გადაუხადა გაერთიანებულ სამეფოს ტანკებისა და პირადად პრემიერ-მინისტრ რიში სუნაკს ამ გადამწყვეტი ნაბიჯისთვის. მისი თქმით, შორ რადიუსზე მოქმედი რაკეტები საშუალებას მისცემს უკრაინას, გააძევოს მტერი თავისი ტერიტორიიდან.

„რუსეთი წააგებს. როდესაც ჩვენ ერთად გავიმარჯვებთ, ნებისმიერ აგრესორს, მნიშვნელობა არ აქვს - დიდს თუ პატარას, ეცოდინება, რა ელის, თუ საერთაშორისო წესრიგს თავს დაესხმება“, – განაცხადა ზელენსკიმ.