გაერთიანებული სამეფო უკრაინისთვის ავიაგამანადგურებლების გადაცემის საკითხს არ გამორიცხავს. "არაფერია გამორიცხული", - თქვა პრემიერ-მინისტრმა რიში სუნაკმა, ვოლოდიმირ ზელენსკისთან ერთობლივი პრესკონფერენციისას.

„როდესაც საუბარია ავიაგამანადგურებლებზე, რა თქმა უნდა, ისინი მოლაპარაკების ნაწილია. სწორედ ამიტომ გამოვაცხადეთ დღეს, რომ გავწვრთნით უკრაინის საჰაერო ძალებს ნატო-ს სტანდარტების პლატფორმებზე", - განაცხადა ბრიტანეთის პრემიერმა.

მისი თქმით, ავიაგამანადგურებლების უკრაინისთვის გადაცემის საკითხი, ბრიტანეთის გარდა მოკავშირეებზეც არის დამოკიდებული.

მანამდე სუნაკმა ბრიტანეთის თავდაცვის მინისტრ, ბენ უოლსს დაავალა, გადახედოს, თუ რა თვითმფრინავების გადაცემა შეუძლია ქვეყანას უკრაინისთვის.