ჩვენ თქვენ გვერდით ვართ ახლა და ვიქნებით, რამდენი ხანიც საჭირო იქნება, თავისუფლება გაიმარჯვებს, მშვიდობა აღდგება, თქვენ გაიმარჯვებთ, – ამ სიტყვებით ევროპარლამენტის პრეზიდენტმა, რობერტა მეცოლამ ევროპარლამენტის სხდომაზე უკრაინის პრეზიდენტს, ვოლოდიმირ ზელენსკის მიმართა.

მეცოლას თქმით, უკრაინა ევროპაა და მისი მომავალი ევროკავშირშია.

"მე ამაყი ვარ, ვთქვა, რომ ევროპის დემოკრატიის ეს პალატა, ევროკავშირის წევრები ყოველთვის თქვენ გვერდით იდგნენ. ჩვენ გვესმის, რომ თქვენ იბრძვით არა მხოლოდ თქვენი ღირებულებებისთვის, არამედ ჩვენისთვისაც, იმ იდეალებისთვის, რომლებიც გვაკავშირებს, რომლებიც ყველას ევროპელად გვაქცევს. რადგან უკრაინა ევროპაა და თქვენი ქვეყნის მომავალი ევროკავშირშია", - განაცხადა მეცოლამ.