10 თებერვალს, უკრაინის მასირებული დაბომბვისას რუსულმა ფრთოსანმა რაკეტებმა რუმინეთის საჰაერო სივრცე გადაკვეთეს.

ამის შესახებ უკრაინის შეიარაღებული ძალების მთავარსარდალი ვალერი ზალუჟნი Facebook-ზე წერს.

 „10 თებერვალს, 10:18 საათზე ორმა რუსულმა რაკეტა „კალიბრმა“ გადაკვეთა უკრაინა-მოლდოვის სახელმწიფო საზღვარი.

სავარაუდოდ, 10:33 საათზე ამ რაკეტებმა გადაკვეთეს რუმინეთის საჰაერო სივრცე, რის შემდეგაც აღნიშნული საჰაერო სამიზნე კვლავ შევიდა უკრაინის საჰაერო სივრცეში სამი სახელმწიფოს საზღვრის გადაკვეთის წერტილში. ამჟამად, მიიდნარეობს მისი განადგურების ზომები. რაკეტა გაშვებული იყო შავი ზღვის აკვატორიიდან“, - წერია ინფორმაციში.

10 თებერვალს დილით, უკრაინის მთელ ტერიტორიაზე საჰაერო განგაში გამოცხადდა.

რუსეთმა ჰაერში სტრატეგიული ბომბდამშენები ტუ-95 ასწია, რომლის ბორტზეც შესაძლოა განთავსებული იყოს ფრთოსანი რაკეტები, რის გამოც არსებობს სარაკეტო დარტყმის დიდი საფრთხე.

ოპერატიული სარდლობა „სამხრეთის“ ინფორმაციით, ოკუპანტებმა შავ ზღვაში გაიყვანეს სამი გადამზიდი რაკეტა, რომელზეც შესაძლოა იყოს „კალიბრის“ ტიპის 20 რაკეტა.