უკრაინის პრეზიდენტის ოფისის ხელმძღვანელის მრჩეველი მიხაილო პოდოლიაკი ეხმიანება მოსკოვის მორიგ განცხადებას, რომელშიც მზადყოფნას გამოთქვამს  უკრაინულ მხარესთან მოლაპარაკებისთვის.

შაბათს, 11 თებერვალს რუსეთის საგარეო საქმეთა მინისტრის მოადგილემ სერგეი ვერშინინმა რუსულ მედიასთან ინტერვიუში განაცხადა, რომ მოსკოვი მზდაა  მოლაპარაკებისთვის, მხოლოდ წინაპირობების გარეშე და „არსებული რეალობის საფუძველზე“.

 „დიახ, კლასიკა ამბობს, რომ ნებისმიერი საომარი მოქმედება მოლაპარაკებით მთავრდება და ჩვენ ბუნებრივია უკვე განვაცხადეთ, რომ ასეთი მოლაპარაკებისთვის მზად ვიქნებით, მაგრამ მხოლოდ  წინაპირობების გარეშე, იმ რეალობის საფუძველზე, რომელიც არსებობს, იმ მიზნების გათვალისწინებით, რომელიც ჩვენ საჯაროდ გავაჟღერეთ“, - განაცხადა პოდოლიაკმა.

მისი თქმით, ეს განცხადება მეტყველებს იმაზე, რომ კრემლთან მოლაპარაკების შესახებ საუბარი შეუძლებელია.

 „მშვიდობასა და მოლაპარაკებებზე  რეგულარულ რიტორიკაში, კრემლი აცხადებს, რომ არ დატოვებს {ოკუპირებულ} უკრაინის ტერიტორიებს და დანაშაულებზე პასუხს არ აგებს, ეს კიდევ ერთი დადასტურებაა იმისა, რომ კრემლთან მოლაპარაკება გამორიცხულია. მხოლოდ უკრაინის გამარჯვება, სხვაგვარად ომი ევროპაში არ დამთავრდება და რუსეთი დანაშაულებრივად იბატონებს მსოფლიოზე“, - დაწერა პოდოლიაკმა „ტვიტერზე“.