პოლონეთის პრეზიდენტი ანჯეი დუდა აცხადებს, რომ უკრაინამ უახლოეს ხანებში დაუყოვნებლივ უნდა მიიღოს სამხედრო ტექნიკა დასავლელი მოკავშირეებისგან, წინააღმდეგ შემთხვევაში, შესაძლოა ომი რუსეთმა მოიგოს.

დუდამ ამის შესახებ გამოცემა Le Figaro-თან ინტერვიუში ისაუბრა.

შეკითხვაზე შესაძლოა, თუ არა რუსეთმა ომი მოიგოს, დუდამ განაცხადა, რომ ეს შესაძლებელია, თუ უკრაინა დახმარებას სასწრაფოდ არ მიიღებს.

„მათ არ აქვთ თანამედროვე სამხედრო ინფრასტრუქტურა, მაგრამ მათ ყავთ ხალხი! თუ უკრაინას უახლოეს ხანებში სამხედრო ტექნიკას არ გავუგზავნით, პუტინმა, შესაძლოა გაიმარჯვოს, მან შესაძლოა გაიმარჯვოს და ჩვენ არ ვიცით, სად გაჩერდება“, - განაცხადა პოლონეთის პრეზიდენტმა.

ამასთან, დუდამ აღნიშნა, რომ პოლონეთზე რუსეთის პოტენციური თავდასხმა, ნატო-ზე თავდასხმა იქნებოდა

„როდესაც 2001 წელს შეერთებულ შტატებს თავს დაესხნენ, ყველა მოკავშირე ამერიკელების გვერდით დადგა, რათა ტერორისტების წინააღმდეგ ებრძოლა, მიგვაჩნია, რომ თუ ნატო-ს ქვეყანაზე მოხდებოდა თავდასხმა, რომელიც არ უნდა ყოფილიყო ის, პასუხი იგივე იქნებოდა - სწრაფი და გადამწყვეტი“, - განაცხადა დუდამ.