რუსეთის საგარეო საქმეთა მინისტრის, სერგეი ლავროვის განცხადებით, სირცხვილია, რომ დიდი ოცეულისთვისს უკრაინის გარდა, არაფერია საინტერესო.

„G20  1999 წელს ფინანსთა მინისტრებისა და ცენტრალური ბანკების ხელმძღვანელების დონეზე ჩამოყალიბდა. შემდეგ, 2008 წელს ის გახდა G20 -ის სამიტი. არავინ საუბრობს ფინანსებზე, მაკროეკონომიკურ პოლიტიკაზე, რისთვისაც G20  ჩამოყალიბდა. დღეს მისთვის არაფერია საინტერესო უკრაინის გარდა, ეს სირცხვილია“, – განაცხადა ლავროვმა.

შეკითხვაზე, როგორ აისახა უკრაინის ომი რუსეთის ენერგეტიკულ ინტერესებზე, ლავროვმა უპასუხა, რომ ომი რუსეთის წინააღმდეგ უკრაინელი ხალხის გამოყენებით წამოიწყეს და რუსეთი მის შეჩერებას ცდილობს. ლავროვის პასუხს დარბაზში სიცილი მოჰყვა.