რუსეთის მოქალაქეები თავისუფალნი არიან გადაადგილებაში და ბედნიერის ძებნა მათ არ უშლით ხელს იყვნენ იქ, სადაც მათი სამშობლოს დროშებს არ წვავენ. ამის შესახებ რუსეთის პრეზიდენტის პრეს-სპიკერმა დმიტრი პესკოვმა განაცხადა.

რუსული მედიის ცნობით, სოციალურ ქსელში ვრცელდება კადრები და ინფორმაცია, საქართველოდან რუსების გასვლის შესახებ, რის გამოც საცობებია შექმნილი.

 „არ ვფიქრობ, რომ ეს გარკვეული ტენდენციაა და არ უნდა გავაზვიადოთ, რომ  ადამიანების დიდი რაოდენობაა. მაგრამ ასეთი მოქალაქეები არიან. დიახ, ისინი თავისუფალნი არიან თავიანთ გადაადგილებაში. ისინი ყოველთვს რაღაც საუკეთესოს ეძებენ  ისე, ვერ ხვდები, რომ ყველაზე კარგი, ალბათ სამშობლოა. მაგრამ ამავე დროს, მათ არავინ უშლის ხელს ბედნიერება სხვაგან ეძებონ, უკეთესია, რა თქმა უნდა, ეძებონ ბედნიერება იქ, სადაც არ არის ასეთი სახალხო მღელვარება და სადაც არ წვავენ შენი სამშობლოს დროშებს“, - განაცხადა პესკოვმა ჟურნალისტების შეკითხვის პასუხად, რომ რუსები საქართველოს ტოვებენ.

ამასთან, მისი თქმით, გარე ძალები ცდილობენ ანტირუსული ელემენტები შეიტანონ საქართველოში მიმდინარე მოვლენებში.

„ჩვენ ვხედავთ, რომ ვიღაცის ხელი, არ შეიძლება ითქვას, რომ ეს უხილავი ხელია, ის ხილულია. ჩვენ ვხედავთ, საიდან მიმართავს საქართველოს პრეზიდენტი ხალხს, ის ხომ საქართველოდან არ მიმართავს ქართველებს, არამედ ამერიკიდან. ვიღაცის ხილული ხელი გულმოდგინედ ცდილობს შეიტანოს ანტირუსული ელემენტები“, - განაცხადა პესკოვმა.

მისი აზრით, ქვეყნის ხელისუფლების გადაწყვეტილება კანონპროექტის გაწვევაზე პროვოკაციულია და მოსკოვი დიდი შეშფოთებით აკვირდება მიმდინარე პროცესებს.

პესკოვმა აღნიშნა, რომ უცხოეთის აგენეტების შესახებ კანონს არაფერი აქვს საერთო რუსეთთან.

„რუსეთი აქ არაფერშუაშია, არც არსით არც ფორმით. ჩვენ არ ვერევით საქართევლოს შიდა საქმეებში“, - განაცხადა პესკოვმა.