სომხეთის რესპუბლიკა სრულად აღიარებს აზერბაიჯანის ტერიტორიულ მთლიანობას, იგივეს მოელის აზერბაიჯანისგან, რომ ისიც აღიარებს სომხეთის ტერიტორიულ მთლიანობას. ამის შესახებ სომხეთის პრემიერ-მინისტრმა ნიკოლ ფაშინიანმა პარლამენტში სიტყვით გამოსვლისას განაცხადა. იუწყება „არმენპრესი“.

„სამშვიდობო მოლაპარაკება სომდხეთსა და აზერბაიჯანს შორის გახება რეალური, თუ ორივე მხარე მკაფიოდ და ცალსახად აღიარებს ერთმანეთის ტერიტორიულ მთლიანობას და ვალდებულებას აიღებენ, რომ ერთმანეთს არ წაუყენებენ ტერიტორიულ პრეტენზიებს არც დღეს და არც არასდროს“, - განაცხადა ფაშინიანმა.  

მან აღნიშნა, რომ ამის შესახებ აზერბაიჯანის პრეზიდენტთან პრაღაში 2022 წლის 6 ოქტომბერს შეთანხმდნენ, 2022 წლის 31 ოქტომბერს კი სოჭში, რაც დაფიქსირებული იყო შესაბამის საჯარო განცხადებებში. „ამის მიუხედავად, ერევნიდან და ბაქოდან ისმის ოფიციალური განცხადებები, შეთანხმების შეუსრულებლობაში მეორე მხარის დადანაშაულების შესახებ. მინდა კიდევ ერთხელ დავადასტურო, რომ სომხეთი სრულად აღიარებს აზერბაიჯანის ტერიტორიულ მთლიანობას და ველით, რომ იგივეს გააკეთეებს აზერბაიჯანიც სომხეთის სსრ-ის მთელი ტერიტორიის სომხეთის რესპუბლიკად აღიარებით“, - განაცხადა ფაშინიანმა.

მისი თქმით, აზერბაიჯანის განცხადება, რომ სომხეთმა უარი თქვა ან უარს ამბობს ზერბაიჯანის ტერიტორიული მთლიანობის სრულად აღიარებაზე, სიმართლეს არ შეესაბამება.