სამხრეთ კორეამ შესაძლოა, გააფართოვოს კიევის დახმარება, ჰუმანიტარული და ეკონომიკური დახმარების არსებული ჩარჩოებიდან გამოვიდეს და უკრაინას შეიარაღება გაუგზავნოს.

ამის შესახებ სამხრეთ კორეის პრეზიდენტმა იუნ სუკ იოლმა Reuters-თან ინტერვიუში განაცხადა და პირველად დააფიქსირა უკრაინის შეიარაღებასთან დაკავშირებით თავისი დამოკიდებულება.

მან აღნიშნა, რომ ხელისუფლება სწავლობს უკრაინის დაცვისა და აღდგენის შესაძლებლობებს. „თუ შეიქმნება ისეთი ვითარება... მაგალითად მშვიდობიან მოსახლეობაზე ფართომასშტაბიანი თავდასხმა, მასობრივი მკვლელობები ან ომის კანონების სერიოზული დარღვევები, ჩვენთვის რთული იქნება მხოლოდ ჰუმანიტარულ ან ფინანსურ მხარდაჭერაზე გაჩერება“, - განმარტა მან თავისი პოზიცია.

როგორც გამოცემა აღნიშნავს, ამგვარად, სეულმა პირველად განაცხადა უკრაინისთვის იარაღის მიწოდების მზადყოფნის შესახებ. იმის მიუხედავად, რომ ჯერ კიდევ ერთი წლის წინ ასეთ შესაძლებლობას გამორიცხავდა.