უკრაინის პრეზიდენტი ვოლოდომირ ზელენსკი იმედოვნებს, რომ ვილნიუსში ნატო-ს სამიტზე კიევი მოკავშირეებისგან მიიღებს მკაფიო სიგნალს ალიასნში გაწევრიანების პერსპექტივასთან დაკავშირებით.

ამის შესახებ ზელენსკიმ ნიდერლანდებისა და ბელგიის პრემიერებთან ერთობლივ ბრიფინგზე ისაუბრა.

ვოლოდიმირ ზელენსკიმ აღნიშნა, რომ უკრაინას სურს პარტნიორებისგან ვილნიუსის სამიტზე მოიმინოს „რაღაც, ნატო-ს „ღია კარზე“  უფრო მეტი“.

„ჩვენ რეალისტები ვართ, გვესმის, რომ ვერ შევალთ ნატო-ში, ვიდრე ომი გრძელდება, მაგრამ ომის მიმდინარეობისას გვინდა მოვისმინოთ მკაფიო სიგნალი, რომ ჩვენ ვიქნებით ნატო-ში ომის შემდეგ“, - აღნიშნა მან.

ნიდერლანდების პრემიერმა მარკ რუტემ უკრაინასა და ნატო-ზე საუბრისას გაიხსენა გენერალური მდივნის სიტყვები, რომ უკრაინა „ეკუთვნის ჩრდილოატალანტიკურ ოჯახს და ერთ დღესაც იქნება ნატო-ში“.

 „რაც შეეხება ნიდერლანდებს - ჩვენ მხარს ვუჭერთ უკრაინის ამბიციებს ნატო-ში გაწევრიანებასთან დაკავშირებით. ჩვენ ახლა ვმუშაობთ, რომ ვილნიუსის სამიტზე გადავდგათ პირველი ნაბიჯი წინ და არ დავუბრუნდეთ ბუქარესტის სამიტის {2008 წლის) ფორმულირებას, ან კიდევ სხვას. რა კონკრეტული ნაბიჯი იქნება ეს, განვიხილავთ მომავალი 4-6 კვირის განმავლობაში,“ - განაცხადა რუტემ.