უკრაინის თავდაცვის მინისტრის მოადგილე ანა მალიარი აცხადებს, რომ რუსეთი ცდილობს ბახმუტი 9 მაისამდე აიღოს და სხვადასხვა მიმართულებებიდან დაჯგუფება „ვაგნერის“ მებრძოლებს აგზავნის.

“მტერი მთელი ძალით ცდილობს ბახმუტზე კონტროლი 9 მაისამდე დაამყაროს. ამ ამოცანის შესრულებისთვის ისინი სხვა მიმართულებებიდან აგზავნიან ვაგნერელებს და ანაცვლებენ მოიერიშე მედესანტეების რაზმებს, რომლებიც ამჟამად ბახმუტის მიმართულებით იბრძვიან“, - აცხადებს მალიარი.

მისივე თქმით, იუკრაინელი სამხედროები მტერს არ აძლევენ თავდაცვის გარღვევის შესაძლებლობას. ამის გარდა უკრაინის არტილერიამ გაანადგურა „ვაგნერის“ საბრძოლო მასალის საცავი.

შეგახსენებთ, დღეს, ვაგნერის“ ხელმძღვანელმა ევგენი პრიგოჟინმა რუსეთის თავდაცვის მინისტრს მიმართა და განაცხადა, რომ საბრძოლო მასალის ნაკლებობის გამო თავის მებრძოლებს ბახმუტიდან 10 მაისიდან გაიყვანს.