უკრაინის პრეზიდენტის განცხადებით, ქვეყანაში გამარჯვების დღეს 8 მაისს აღნიშნავენ, 9 მაისს კი ევროპის დღე აღინიშნება, ისე როგორც ეს ევროპაშია.

ვოლოდიმირ ზელენსკის თქმით, მან უკვე მიმართა უმაღლეს რადას და 8 მაისის ხსოვნისა და გამარჯვების დღედ გამოცხადება ოფიციალურად მოითხოვა, ხოლო 9 მაისს აღინიშნება ევროპის დღე.

„8 მაისს უკრაინა და თავისუფალი სამყარო იხსნებს ექვს საშინელ წელს კაცობრიობის ისტორიაში. 1939-45 წლებს.. წლებს, რომლებმაც შეიწირა მილიონობით ადამიანის სიცოცხლე, მათ შორის 8 მილიონი უკრაინელის. ოკუპაციისა და სიმხეცის წლები, სისხლისმღვრელი ბრძოლების, დაბომბვების, ბლოკადისა და მასობრივი სიკვდილით დასჯის, ჰოლოკოსტის. ბოროტება, რომელიც ნაციზმმა მსოფლიოს მოუტანა, მოუტანა ჩვენს მიწასაც.

სხვადასხვა ხალხი ერთიანობით, ანტიჰეტლირული კოალიციების შემადგენლობაში წინ აღუდგა ბოროტებას... ევროპისა და ამერიკის ხალხები... აზია, ავსტრალია, აფრიკა - ყველას აქვს თავისი ბძროლის ისტორია ამ ომში, თუმცა აქვს გამარჯვების საერთო ისტორია“, - განაცხადა ზელენსკიმ.

როგორც უკრაინის პრეზიდენტმა განაცხადა, „ძველი ბოროტება“ დაბრუნდა და ამჯერად ის რუსეთმა დააბრუნა და მასაც იგივე მიზანი აქვს, რაც ნაცისტებს ჰქონდათ – დაპყრობა და განადგურება. ზელენსკის თქმით, მათ ეს არ გამოუვათ.

„ჩვენ ვუბრუნებთ ჩვენს სახელმწიფოს სამართლიან ისტორიას იდეოლოგიური გავლენების გარეშე. სწორედ 8 მაისს მსოფლიოს ხალხთა უმრავლესობა იხსენებს ფაშისტებზე გამარჯვების დიდებას. დღეს მე მოვაწერე ხელი შესაბამის განკარგულებას და ყოველ წელს, ხვალინდელი დღიდან დაწყებული, 9 მაისს ჩვენ აღვნიშნავთ ჩვენს ისტორიულ ერთიანობას – ყველა ევროპელის ერთიანობას, რომლებმაც გაანადგურეს ფაშიზმი და დაამარცხებენ „რაშიზმს“, – განაცხადა ზელენსკინ,

დასავლეთის სახელმწიფოები ნაცისტურ გერმანიაზე გამარჯვებას 8 მაისს აღნიშნავენ. გერმანიის კაპიტულაცია ძალაში შევიდა 1945 წლის 8 მაისს, 23:01 საათზე.