„ხალხის ძალის“ წევრის, გურამ მაჭარაშვილის განცხადებით, საქართველო იმსახურებს, მიიღოს კანდიდატის სტატუსი.

ოპოზიციის მხრიდან საკითხისადმი დამოკიდებულებასთან დაკავშრებით კი  მაჭარაშვილმა თქვა:

„თქვენ რომელ ოპოზიციას გულისხმობთ, დაშლილებში რომ არის და ნაწილ-ნაწილ გაერთიანება უნდათ? – ჩვენ ასეთი დაშლილი მანქანით ბრიუსელამდე ვერ ჩავალთ. ხალხი დაშლილებში არსებულ მანქანას ქვეყნის ევროინტეგრაციას ვერ ანდობს. რა თქმა უნდა, მოლოდინი გვაქვს და თავად ევროკავშირის ლიდერები ამბობენ, რომ საქართველო იმსახურებს კანდიდატის სტატუსს. ამის დასტურია თებერვალში გამოქვეყნებული ანგარიში, სადაც პირველ ადგილზე ვართ. ამას ვერავინ დამალავს. საქართველოს ის კითხვარები ჩაბარებული აქვს, რის გამოც ევროკავშირისგან შემოდგომაზე უნდა დაეწეროს ნიშანი. სამწუხაროდ, მოლოდინი 50/50-ზეა, რადგან ეს იქნება პოლიტიკური გადაწყვეტილება“, – განუცხადა გურამ მაჭარაშვილმა ჟურნალისტებს.