„მიუხედავად იმისა, რომ ივანიშვილის „რუსული ოცნება“ ყველანაირად საბოტაჟირებს კანდიდატის სტატუსს, ჩვენ ყველაფერი უნდა გავაკეთოთ მის მისაღებად, რადგან ეს სჭირდება ჩვენი ქვეყნის მომავალს.“ - განაცხადა “ერთიანი ნაციონალური მოძრაობის” რეგიონულმა მდივანმა, გიორგი ბოტკოველმა.

მისი თქმით, ის, რომ დღეს „ქართული ოცნებაა“ ხელისუფლებაში, ხელი არ უნდა შეუშალოს ქვეყანას კანდიდატის სტატუსის მიღებაში.

„მიუხედავად იმისა, რომ საქართველოს ჰყავს პრორუსული ხელისუფლება ივანიშვილის ხელმძღვანელობით და ისინი ყველაფერს აკეთებენ, რომ არ შესრულდეს 12 პუნქტიანი გეგმა და ყველა ნაბიჯი იყოს მიმართული ევროპის საწინააღმდეგოდ, დაწყებული ლანძღვით, ევროპარლამენტარების და ქმედებებით ყველა, ჩვენ როგორც პასუხისმგებლობიანმა ოპოზიციამ ყველაფერი უნდა გავაკეთოთ იმისთვის და ყველა მოლოდინი უნდა გვქონდეს იმის, რომ ქვეყანამ მიიღოს ევროპული სტატუსი, რადგან ეს სჭირდება ჩვენი ქვეყნის განვითარებას, ეს სჭირდება ჩვენი ქვეყნის მომავალს და ის, რომ დღეს „რუსული ოცნებაა“ ხელისუფლებაში, ამან არანაირად არ უნდა შეგვიშალოს ჩვენ ხელი კანდიდატის სტატუსის მიღებაში. ჩვენი ქმედება უნდა იყოს მიმართული იმისკენ, რომ ჩვენი ნებისმიერი კონტაქტებით, ჩვენი ურთიერთობებით უცხოელ პარტნიორებთან, ყველა იმ სახელმწიფოსთან, რომელიც უშუალოდ ლობისტი უნდა იყოს ჩვენი სახელმწიფოსი, რომ ჩვენ გავხდეთ ევროკავშირის სრულუფლებიანი წევრი და ამ შემთხვევაში მივიღოთ კანდიდატის სტატუსი.  რა თქმა უნდა,  მოლოდინი მაქვს იმისი, რომ ევროპა ყველაფერს გააკეთებს იმისთვის, რომ საქართველო გახდეს ევროკავშირის წევრი.“ - განაცხადა გიორგი ბოტკოველმა.