გაუჩინარებული წყალქვეშა ნავის პილოტი და ოთხივე მგზავრი დაიღუპნენ. ამის შესახებ იუწყება ტურისტული კომპანია OceanGate Expeditions-ი, ინფორმაციას ავრცელებს აშშ-ის სანაპირო დაცვაც.

აშშ-ის სანაპირო დაცვის ოფიციალური წარმომადგენლის თქმით, „როგორც ჩანს „კატასტროფული აფეთქება“ მოხდა“.

"ბრიტანელი ბიზნესმენი და მკვლევარი, ჰამიშ ჰარდინგი, პაკისტანელი მილიარდერი ბიზნესმენი შაჰზადა დავუდი, მისი 19 წლის შვილი, სულემან დავუდი და ფრანგი მკვლევარი პოლ-ჰენრი ნარგეოლე სამწუხაროდ დაიღუპნენ". - წერია განცხადებაში.

მანამდე აშშ-ის სანაპირო დაცვა იუწყებოდა, რომ საძიებო ზონაში „ტიტანიკის“ მახლობლად ნამსხვრევების ადგილი იპოვეს.

წყალქვეშა ნავს, რომელსაც მგზავრები ჩაძირული „ტიტანიკის“ დასათვალიერებლად გადაჰყავდა, 18 ივნისს გაუჩინარდა.

კვლევითმა ხომალდმა Polar Prince-მა ეკიპაჟთან კონტაქტი წყალქვეშ გატარებული 1 საათისა და 45 წუთის შემდეგ დაკარგა.