ნატო-ს გენერალური მდივნის იენს სტოლტენბერგის განცხადებით, მოელის რომ ვილნიუსის სამიტზე მოკავშირეები კიდევ ერთხელ გამოხატავენ მხარადჭეტას საქართველოს ტერიტორიული მთლიანობისა და სუვერენიტეტის მიმართ.

მისივე თქმით, მოკავშირეები კიდევ ერთხელ დაადასტურებენ საქართველოს უფლებას, გადაწყვიტოს საგარეო პოლიტიკა გარე ჩარევის გარეშე.

„ჩვენი გზავნილი დიდი ხანია არის ის, რომ გვჭირდება გავაძლიეროთ ჩვენი პარტნიორობა იმ ქვეყნებთან, რომლებიც დაუცველები არიან რუსეთის ჩარევისგან და ზეწოლისგან. სამიტზე მოკავშირეები კიდევ ერთხელ დაადასტურებენ მხარდაჭერას საქართველოს ტერიტორიული მთლიანობის და სუვერენიტეტის მიმართ, მის საერთაშორისოდ აღიარებულ საზღვრებში. მოკავშირეები კიდევ ერთხელ დაადასტურებენ საქართველოს უფლებას,  გადაწყვიტოს თავისი მომავალი და საგარეო პოლიტიკა გარე ჩარევის გარეშე. ამიტომ, ჩვენ მოვუწოდებთ რუსეთს, გაიყვანოს თავისი ჯარები საქართველოდან, რომელიც არის საქართველოს მთავრობის თანხმობის გარეშე, ასევე დაასრულოს აფხაზეთის და სამხრეთ ოსეთის აღიარება და მილიტარიზაცია. ვფიქრობ, ჩვენ უნდა ვაღიაროთ ის მნიშვნელობა, რომელსაც საქართველო ანიჭებს ნატო-საქართველოს პარტნიორობის გაძლიერებას და ევროატლანტიკური უსაფრთხოებისადმი ერთგულებას“, – განაცხადა სტოლტენბერგმა.