საპარლამენტო უმრავლესობის ერთ-ერთი ლიდერის, არჩილ თალაკვაძის განცხადებით, ვილნიუსში ნატო-ს სამიტმა დაადასტურა, რომ საქართველო სწორი მიმართულებით მიდის.

თალაკვაძის თქმით, სამიტმა მკაფიოდ დაადასტურა საქართველოს მიმართ მხარდაჭერა, დაადასტურა, რომ საქართველო ნატო-ს წევრი აუცილებლად გახდება, დანარჩენი კი პოლიტიკური გადაწყვეტილების საკითხია.

„საქართველო თუ აიღებს შვედეთის მაგალითს და ჩვენი ქვეყანა ეკონომიკურად უფრო ძლიერი, სტაბილური და წარმატებული სახელმწიფო გახდება, საქართველო იქნება უფრო სასურველი და ძლიერი პარტნიორი ნატო-სთვის. ნაბიჯ-ნაბიჯ მივყვებით სწორედ ამ გეგმას და დარწმუნებული ვარ, მომავალში საქართველო აუცილებლად მიიღებს ნატო-ში მიწვევას“, – განაცხადა თალაკვაძემ.

მისი თქმით, ვილნიუსის ნატო-ს სამიტმა მკაფიოდ დაადასტურა, რომ საქართველო რეფორმების სწორი გზით მიდის.

„ვილნიუსის ნატო-ს სამიტმა მკაფიოდ დაადასტურა საქართველოს მიმართ მხარდაჭერა, დაადასტურა, რომ საქართველო რეფორმების სწორი გზით მიდის და საქართველო ნატო-ს წევრი აუცილებლად გახდება. დანარჩენი უკვე პოლიტიკური გადაწყვეტილების საკითხია.

სამიტმა კიდევ ერთხელ გამოაჩინა, რომ გადაწყვეტილების მიღების მომენტში ნატო ძალიან პრაგმატულია და ფიქრობს ნატო-ს საერთო ინტერესებზე, თუმცა, ასევე თანაბრად ფიქრობს იმ პარტნიორებზე, ვის მიღებასაც განიხილავს. სწორედ ეს თქვეს ირაკლი ღარიბაშვილმა და ირაკლი კობახიძემ, რადიკალური ოპოზიციის წევრები უსინდისოდ თავს ესხმოდნენ მათ ამ განცხადებების გამო“, – აღნიშნა თალაკვაძემ.