სტიქიას გადარჩენილი ადამიანების თავგანწირვის, განცდილი სტრესის და შეუპოვრობის აბუჩად აგდება ნაციონალებსაც არ უკადრიათ, - ამის შესახებ სოციალურ ქსელში პარტია “მოქალაქეების“ ლიდერი, პარლამენტის დეპუტატი ალექსანდრე ელისაშვილი წერს.

მისი თქმით, ბოდიშის ნაცვალდ, ხელისუფლება სტიქიას გადარჩენილებს გადარჩენას აყვედრის.

„სტიქიას გადარჩენილი ადამიანების თავგანწირვის, განცდილი სტრესის და შეუპოვრობის აბუჩად აგდება ნაციონალებსაც არ უკადრიათ. რა ჯანდაბას უკეთებს ხალხს ეს ძალაუფლება და სკამზე ჩაბღაუჭება ამაზრზენი საყურებელია. იმის მაგივრად ბოდიშები უხადონ გადარჩენილებს საკუთარი უმოქმედობის გამო დგანან და ხალხს გადარჩენას აყვედრიან, საკუთარი თავგანწირვით გადარჩენას. ოცნება უნდა გავუშვათ აუცილებლად, სრულ მარაზმში არიან უკვე და ისინი არ უნდა დავაბრუნოთ, ნაციონალები“, - წერს ალეკო ელისაშვილი.