ჩვენს ქალაქებში მრავლდება რუსული წარწერები და ცოტავდება ქართული, ბათუმის სანაპიროზე აღარავინ ყვირის “ცხელი სიმინდიი”, ახლა კუკურუზაა მოდაში, სიმინდის რესპუბლიკა, აი ვინ ვართ ახლა ჩვენ. - ამის შესახებ პოეტი კატო ჯავხიშვილი სოციალურ ქსელში წერს.

როგორც კატო ჯავახიშვილი აღნიშნავს, რუსეთის მოქალაქეები სტუმრად არ გრძნობენ თავს და ამყარებენ თავიანთ წესებს საქართველოში.

“არა, ისინი ჩვენი დები და ძმები არ არიან. არა, ისინი სტუმრად არ გრძნობენ თავს. ისინი ამყარებენ თავიანთ წესებს: ხსნიან კაფეებს, სალონებს, ატარებენ შეხვედრებს, საუბრობენ რუსულ ლიტერატურაზე. ჩვენს ქალაქებში მრავლდება რუსული წარწერები და ცოტავდება ქართული. და ხო, ეს უდიდესი საფრთხეა ჩვენი ქვეყნისთვის, რომელსაც ენის და ტერიტორიების დაკარგვის უდიდესი გამოცდილება აქვს. იმ ქართველებმა, რომლებიც რუსეთში წავიდნენ, მიიღეს მათი იდენტობა. ახლა აქ ჩამოვიდნენ “პუტინის რეჟიმს გამოქცეულები” და თავიანთი წესებით გვაცხოვრებენ. ბათუმის სანაპიროზე აღარავინ ყვირის “ცხელი სიმინდიი”, ახლა კუკურუზაა მოდაში. სიმინდის რესპუბლიკა, აი ვინ ვართ ახლა ჩვენ“, - წერს კატო ჯავახიშვილი.