თავდაცვის ყოფილი მინისტრი ირაკლი ოქრუაშვილი შესაძლოა, გორის საკრებულოს თავმჯდომარის თანაშემწე გახდეს. ,,რუსთავი 2“-ის ცნობით, ინფორმაცია ამის შესახებ საკრებულოს თავმჯდომარე ილია მეტრეველმა დაადასტურა.

თანაშემწის თანამდებობა დღემდე ნათია ომაძეს უკავია. თუმცა, გავრცელებული ინფორმაციით, ბრძანებას მისი გათავისუფლების შესახებ, საკრებულოს თავმჯდომარე დღეს მოაწერს ხელს.

ასევე, იგეგმება მეორე თანაშემწის დათხოვნაც. არსებული ინფორმაციით, მის ნაცვლად ,,ქართული პარტიის“ გორის ორგანიზაციის ხელმძღვანელი კახა ერგემლიძე დაინიშნება.

გორის საკრებულო თავმჯდომარე, პაპუნა კობერიძე თანამდებობიდან 5 თებერვალს, იმპიჩმენტის წესით გადააყენეს. აღმიშნული ინიციატივა გორის მუნიციპალიტეტის საკრებულოს "თავისუფალი დემოკრატებისა" და "ირაკლი ოქრუაშვილი – ქართული პარტიის" წევრებს ეკუთვნოდათ.