სომხეთში მთიანი ყარაბაღიდან 24 სექტემბრის საღამოს1050 სომეხი ლტოლვილი ჩავიდა. ამის შესახებ ინფორმაციას სომხეთის მთავრობა ოფიციალურ გვერდზე აქვეყნებს. ეთნიკურმა სომეხმა მოსახლეობამ საცხოვრებელი სახლების დატოვება მას შემდეგ გადაწყვიტა, რაც აზერბაიჯანმა მთიან ყარაბაღზე კონტროლი სრულად აღადგინა. დილით ლტოლვილთა რაოდენობა 2900-მდე გაიზრდა. ჩასულ ლტოლვილთა ნაწილი მათ მიერვე არჩეულ საცხოვრებელ სახლებში განთავდება, ნაწილს კი საცხოვრებელ ადგილებს მთავრობა გამოუყოფს.

ამასთან, მთიანი ყარაბაღის დედაქალაქი სტეფანაკერტი (აზერბაიჯანულად ხანკედი) 24 სექტემბერს სომხეთის ენერგოსისტემიდან გამოირთო და აზერბაიჯანის ენერგოსისტემას მიეურთდა.

მთიანი ყარაბაღის მოსახლეობა საერთო ჯამში140 ათასზე მეტ ადამიანს შეადგენს.

გუშინ, 24 სეტემბერს ყარაბაღის ე.წ. ადმინისტრაციის წარმომადგენელმა, დავით ბაბაიანმა განაცხადა, რომ რეგიონს დატოვებს და სომხეთში გადასახლდება ფაქტობრივად მთელი სომხური მოსახლეობა.

„მთიანი ყარაბაღის 120 000 ეთნიკური სომეხი გაემგზავრება სომხეთში, რადგან მათ არ სურთ აზერბაიჯანის შემადგენლობაში ცხოვრება და ეშინიათ ეთნიკური წმენდის, - განუცხადა ბაბაიანმა სააგენტო Reuters-ს.

მანამდე აზერბაიჯანულმა მხარემ განაცხადა, რომ ყარაბაღში მცხოვრები სომხების უფლებებს დაიცავდნენ და მისცემდნენ ცხოვრების საშუალებას.