მთიან ყარაბაღში სტეპანაკერტი-ასკერანის ავტომაგისტრალთან საწვავის საცავის აფეთქების შედეგად სულ მცირე 20 ადამიანი დაიღუპა და 290 დაშავდა.

გავრცელებული ინფორმაციით, შვიდი დაშავებული საავადმყოფოში დაიღუპა. ამასთან ბევრი მოქaლაქე დაკარგულად არის მიჩნეული. დაშავებულთა ნაწილის მდგომარეობა მძიმე ან კრიტიკულად მძიმეა.

სეპარატისტული რეგიონის ე.წ. სახალხო დამცველის თქმით, დაშავებულების სიცოცხლის გადასარჩენად დაუყოვნებლივ საჭიროა მათი საჰაერო გზით სხვა კლინიკებში გადაყვანა, რადგან ადგილობრივ სამედიცინო დაწესებულებს ადამიანთა სიცოცხლის გადასარჩენად საკმარისი შესაძლებლობები არ გააჩნიათ.

აფეთქება გუშინ საღამოს მოხდა. გავრცელებული ინფორმაციით, მოქალაქეებს ბენზინს აძლევდნენ, რათა რეგიონი დაეტოვებინათ. ტრაგედიის მიზეზების შესახებ ინფორმაცია არ ვრცელდება.