“რუსულმა პარტიამ, "ეფესბეს"  აგენტურამ, შეიმუშავა გეგმა და შემოაგდო სუს-ის ჩანაწერები,  რომ არ შემოუშვან დამკვირვებლები საქართველოში. არაფერი გიშველით ! არც უკან დავიხევთ და არც ბრძოლაში დავიღლებით. პუტინისტებზე აუცილებლად გავიმარჯვებთ!  - წერს “ერთიანი ნაციონალური მოძრაობის” თავმჯდომარე ლევან ხაბეიშვილი სოციალურ ქსელში

“კონგრესში, 2023 წლის 26  აპრილს, სენატის საგარეო ურთიერთობათა კომიტეტის სხდომაზე,  ამერიკელმა სენატორმა - ჯინ შაჰინმა განაცხადა რომ საქართველოში შიდა ბრძოლაა ავტოკრატიასა და დემოკრატიას შორის.

სენატორის თქმით: “ერთ-ერთი განმსაზღვრელი შესაძლებლობა იქნება მოახლოვებული არჩევნები 2024 წელს. ჩვენ, ამ არჩევნების მხარდაჭერაში კრიტიკულ როლს შევასრულებთ და სადამკვირვებლო მისიის გაგზავნასაც შევუწყობთ ხელს“. შემდეგ სენატორმა, USAID-ის ადმინისტრატორს - სამანტა პაუერს მიმართა: „შეგიძლიათ ისაუბროთ იმაზე, თუ რამდენად მნიშვნელოვანი იქნება ეს და ფიქრობს თუ არა USAID გრძელვადიან სადამკვირვებლო მისიაში მონაწილეობას საქართველოს მხარდასაჭერად?“.

პასუხი : USAID-მა რესურსები სამართლიანი არჩევნებისკენ მიმართოს, რადგან ეს არის შემდეგი რეალური შესაძლებლობა მოქალაქეებისთვის, გაიგონონ მათი ხმა. „ვფიქრობ, რომ ეს მოიცავს როგორც მოკლევადიან, ასევე გრძელვადიან სადამკვირვებლო მისიებს“, – დასძინა USAID-ის ხელმძღვანელმა.

USAID - ის  ხელმძღვანელმა თქვა, რომ გრძელვადიანი სადამკვირვებლო მისიის გაგზავნა უნდათ საქართველოში, წინასაარჩევნოთ.

ახლა რუსულმა პარტიამ, "ეფესბეს"  აგენტურამ, შეიმუშავა გეგმა   და  შემოაგდო სუსის ჩანაწერები,  რომ არ შემოუშვან დამკვირვებლები საქართველოში.

არაფერი გიშველით ! არც უკან დავიხევთ და არც ბრძოლაში დავიღლებით. პუტინისტებზე აუცილებლად გავიმარჯვებთ!”- წერს ლევან ხაბეიშვილი სოციალურ ქსელში.