აზერბაიჯანის პრეზიდენტმა ილჰამ ალიევმა ქალაქ ხანქენდში (სომხური დასახელება სტეფანაკერტი - თვითგამოცხადებული მთიანი ყარაბაღის ყოფილი დედაქალაქი) აზერბაიჯანის დროშა აღმართა.

გარდა ამისა, ალიევმა აღმართა აზერბაიჯანის დროშები ხოჯალიში, აგდერში და ყარაბაღის სხვა დასახლებებში, რომლებიც 19 სექტემბერს რეგიონში სამხედრო ოპერაციის შემდეგ ბაქოს კონტროლის ქვეშ დაბრუნდნენ.

ამრიგად, აზერბაიჯანმა ყარაბაღზე სრული სუვერენიტეტი აღადგინა.

19 სექტემბერს აზერბაიჯანის ერთდღიანი სამხედრო ოპერაციის შედეგად, არაღიარებულმა მთიანი ყარაბაღის რესპუბლიკამ თვითლიკვიდაცია გამოაცხადა.

აზერბაიჯანის ხელისუფლებამ მოსახლეობას რეგიონში დარჩენისკენ მოუწოდა და ყარაბაღის სომეხი მოსახლეობის რეინტეგრაციის საკითხზე მოლაპარაკებისთვის მზადყოფნა გამოთქვა.

თუმცა სომეხმა მოსახლეობამ იქ დარჩენაზე უარი თქვა. გაეროს შეფასებით, რამდენიმე კვირაში რეგიონში მცხოვრებმა 120 ათასმა ეთნიკურმა სომეხმა საცხოვრებელი ადგილები დატოვა.