ისრაელის ელჩმა გაერო-ში გილად ერდანმა, აშშ-ის პრეზიდენტის ჯო ბაიდენის განცხადების საპასუხოდ განაცხადა, რომ ისრაელი არ არის დაინტერესებული ღაზას ოკუპაციით.

„ჩვენ არ გვაქვს ინტერესი ღაზას ოკუპაციის ან ღაზაში დარჩენის, მაგრამ რადგან ჩვენ ვიბრძვით გადარჩენისთვის და როგორც თავად პრეზიდენტმა ბაიდენმა აღნიშნა, ერთადერთი გზა არის „ჰამასის“ განადგურება, ჩვენ მოგვიწევს ყველაფერი გავაკეთოთ მათი ძალებისა და შესაძლებლობების განადგურებისთვის“, - განაცხადა ისრაელის ელჩმა CNN-ის ეთერში.

მანამდე, ჯო ბაიდენმა, CBS-სთან ინტერვიუში განაცხადა, რომ ისრაელის მიერ ღაზას ოკუპაცია დიდი შეცდომა იქნებოდა, ამასთანა აღნიშნა, რომ „ჰამასი“ უნდა განადგურდეს და მოიძებნოს გზები პალესტინის სახელმწიფოს შესაქმენლად.