აშშ-ის სახელმწიფო მდივანმა ენტონი ბლინკენმა განაცხადა, რომ ვაშინგტონი მუშაობს ღაზას სექტორში ისრაელელი მძევლების, მათ შორის აშშ-ის მოქალაქეების გასათავისუფლებლად.

ბლინკენმა აღნიშნული განცხადება დღეს კაიროს აეროპორტში გააკეთა. ბოლო დღეებში ის იმყოფებოდა იორდანიაში, ბაჰრეინში, კატარში, არაბთა გაერთიანებულ საამიროებსა და ეგვიპტეში, რათა გაეგო მათი შეხედულებები არსებულ ვითარებაზე.

ამერიკულ ავიამზიდებებზე საუბრისას, რომლებიც ხმელთაშუა ზღვის აღმოსავლეთში მიემართებიან,  მან თქვა, რომ ეს ნაბიჯი უნდა განიხილებოდეს, როგორც შემაკავებელი ღონისძიება და არა როგორც კონფლიქტის ესკალაციის საშუალება.

ბლინკენის თქმით, ისრაელს აქვს უფლება დაიცვას თავი და უზრუნველყოს, რომ ეს აღარ განმეორდეს მომავალში. მაგრამ, აშშ-ის სახელმწიფო მდივანმა ასევე აღნიშნა, რომ ის, თუ როგორ აკეთებს ამას ისრაელი, ასევე მნიშვნელოვანია. ბლინკენმა ხაზი გაუსვა, რომ მნიშვნელოვანია მშვიდობიანი მოსახლეობის სიცოცხლის გადარჩენა და უსაფრთხოება.