საქართველოს პარლამენტის სხდომაზე ხმაური და დაპირისპირება იყო. ვითარება მას შემდეგ დაიძაბა, რაც იუსტიციის მინისტრი რატი ბრეგაძე მიხეილ სააკაშვილთან დაკავშირებით სტრასბურგის სასამართლოს გადაწყვეტილებაზე საუბრობდა, რა დროსაც „ნაციონალური მოძრაობის“ წევრმა, თინა ბოკუჩავამ რატი ბრეგაძეს მატყუარა უწოდა.

რატი ბრეგაძემ მიმართა თავის მოადგილეს, ბექა ძამაშვილს, რომ ამოუბეჭდონ დეპუტატს სტრასბურგის გადაწყვეტილება სააკაშვილის საკითხზე და მარკერით გაუხაზონ თვალსაჩინოებისთვის.

თინა ბოკუჩავამ კი აღნიშნა, რომ ეს არ სჭირდება. ამ დროს „ქართული ოცნების“ დეპუტატმა, ლევან მგალობლიშვილმა თინა ბოკუჩავას უცენზურო სიტყვით მიმართა, ("ნაბიჭვარო, დედას შე**, გაა*** აქედან").  ბოკუჩავამ სხდომის სპიკერს, გია ვოლსკის მგალობლიშვილისთვის სხდომის დატოვება მოსთხოვა.

 თინა ბოკუჩავა და ანა წითლიძე ლევან მგალობლიშვილის მაგიდასთან მივიდნენ, რა დროსაც ანა წითლიძემ მგალობლიშვილის მისამართით ფურცლები ისროლა. მგალობლიშვილმა მიკროფონი მოხსნა და ცდილობდა, ანა წითლიძის მისამართით ესროლა, თუმცა მანდატურმა ამის უფლება არ მისცა.

უმრავლესობის წევრებმა კი ლევან მგალობლიშვილი სხდომათა დარბაზიდან გაიყვანეს. სხდომაზე ტექნიკური შესვენება გამოცხადდა,