პოლონეთის პრემიერ-მინისტრმა დონალდ ტუსკმა განაცხადა, რომ კიევში ვიზიტისთვის ემზადება, თუმცა არ დაუკონკრეტებია, როდის შედგება ეს ვიზიტი.

ტუსკს კითხვა დაუსვეს პოლონეთი-უკრაინის საზღვარზე პოლონელი გადამზიდავების პროტესტზე.

„ჩემთვის ცოტა უხერხულია ამაზე ლაპარაკი, რადგან ვიცი მდგომარეობა, რომელშიც იმყოფება პრეზიდენტი ზელენსკი და მთელი უკრაინა. არასწორია კიევში მთელი ვიზიტი პოლონეთის ტრანსპორტის საკითხებს მიუძღვნა. მაგრამ ჩვენ მოვამზადებთ ამ ვიზიტს. ისე, რომ პრეზიდენტთან ჩემი შეხვედრისას ნათელი გახდეს, რისი მიღწევა გვინდა“, -თქვა პოლონეთის პრემიერმა.

მისი თქმით, ის მძღოლებს სთხოვს არ გადაკეტონ გადასასვლელები „ზუსტად ომის გამო“. პრემიერმა დასძინა, რომ ვითარება დრამატულია და აღნიშნა, რომ ის მაინც ყველაფერს გააკეთებს იმისათვის, შეუმსუბუქდეთ პოლონელ გადამზიდავებს ცხოვრება.