ალიშერ უსმანოვის ყოფილმა პარტნიორმა ვასილი ანისიმოვი მეშვიდე მილიარდერია, რომელმაც უკრაინაში შეჭრის შემდეგ რუსეთის მოქალაქეობაზე უარი თქვა. Forbes-ის ცნობით, ანისიმოვმა ეს ჯერ კიდევ 2022 წლის სექტემბერში გააკეთა, თუმცა ცნობილი მხოლოდ ახლა გახდა.

ამ დროისათვის ბიზნესმენს, რომელიც შვეიცარიაში ცხოვრობს, დომინიკისა და ხორვატიის მოქალაქეობა რჩება. დომინიკის მოქალქეობა მან ჯერ კიდევ 1990 წელს 60 ათას დოლარად მიიღო. ხორვატიის პასპორტი კი 2023 წლის ოქტომბერში მიიღო. ამისთვის მან ქვეყნის უძრავ ქონებაში საერთო ჯამში 11 მილიონი დოლარი ჩადო. ასევე მან თანხა გაიღო სპორტული ბაზის მშენებლობაში.

ანისიმოვი ამტკიცებს, რომ რუსეთში აქტივებს აღარ ფლობს. თავისი ყოფილი კომპანია Coalco, ასევე „ბოლშოე დომოდედოვო“ მან მენეჯერებს გადასცა. თუცა ბიზნესმენი რუსეთში მაინც ჩადის და ამას ბიზნეს-ვიზით ახერხებს და აფორმებს კომპანია „ბოლშოე დომოდედოვოს“ მიწვევით.

Forbes-ის შეფასებით, ანისიმოვი ფლობს 1,6 მილიარდი დოლარის ქონებას. ამასთან მილიარდერს ბიზნესი აქვს ყაზახეთსა და აფრიკაში. 2002 წელს ის დაკავებული იყო უძრავი ქონების სფეროთი არაბთა გაერთიანებულ საამიროებში.

მანამდე რუსეთის მოქალაქეობზე უარი თქვეს ტიმურ ტურლოვმა, რუბენ ვარდანიანმა, იური მილნერმა, ნიკოლაი სტორონსკიმ, იგორ მაკაროვმა და ოლეგ ტინკოვმა.