შეერთებული შტატები არ ჩაერევა უკრაინაში რუსეთის ომში და არ ჩამოაგდებს საჰაერო სამიზნეებს, როგორც ეს ისრაელში გააკეთა.

ამის შესახებ აშშ-ის ეროვნული უშიშროების საბჭოს სპიკერმა ჯონ კირბიმ ბრიფინგზე  განაცხადა.

კითხვაზე, იქნება თუ არა შეერთებული შტატები მზად გაანადგუროს  ირანული დრონები, როგორც ეს იყო ისრაელში ირანის თავდასხმის დროს, კირბიმ უპასუხა:

„ჩვენ ვსაუბრობთ სხვადასხვა კონფლიქტზე, განსხვავებულ საჰაერო სივრცეზე, სხვადასხვა საფრთხის სურათზე“.

მან ასევე აღნიშნა, რომ კონფლიქტის დაწყებისას პრეზიდენტმა ბაიდენმა ნათლად განაცხადა, რომ აშშ არ გეგმავს მონაწილეობას უკრაინაში საომარ მოქმედებებში.

კირბის თქმით, შეერთებული შტატები უკრაინას აწვდის იმ იარაღს, რომელიც მას სჭირდება მისი საჰაერო სივრცის დასაცავად. „სამწუხაროდ, დღეს ამის გაკეთება არ შეგვიძლია, რადგან არ გვაქვს ეროვნული უსაფრთხოების დამატებითი დაფინანსება, რომელიც უკრაინელებს ასე ძალიან სჭირდებათ“, - აღნიშნა კირბიმ.

მან ასევე თქვა, რომ ისრაელის თავდაცვის ძალებისა და უკრაინელი სამხედროების დასახმარებლად საუკეთესო გადაწყვეტილება იქნება სენატის მიერ მიღებული კანონპროექტის დამტკიცება.