თელავის მუნიციპალიტეტის საკრებულოს დეპუტატმა პარტია "ქართული ოცნებიდან" ლევან ბერძენაშვილმა თანამდებობა დატოვა.

დეპუტატის განმარტებით, ამის მიზეზი "ქართული ოცნების" მიერ გუშინ დამტკიცებული რუსული კანონი გახდა.

ბერძენაშვილი წარმომადგენლობით ორგანოში სამანდატო, საპროცედურო და იურიდიული საკითხთა კომისიას ხელმძღვანელობს.

მე რაც ვთქვი, ჩემს სიტყვას ბოლომდე შევასრულებ. ეს არის პროტესტი კანონზე, რომელიც პარლამენტმა მიიღო, - უთხრა ბერძენაშვილმა "რადიო თავისუფლებას". 

ბერძენაშვილმა მიმდინარე წლის 26 აპრილს საკრებულოს სხდომაზე „ფიცი დადო“, რომ თუ მმართველი გუნდი "უცხოური გავლენის გამჭვირვალობის კანონს" უკან არ გაიწვევდა, დატოვებდა პარტიას და თანამდებობას.