ბაშკირეთში ხანძარს 12 ადამიანი ემსხვერპლა
რუსეთში ბაშკირეთის ქალაქ სტერლიტამაკში ხანძრის შედეგად 12 ადამიანი დაიღუპა. ცეცხლი ერთსართულიან კერძო სახლს გაუჩნდა.
ბაშკირეთის რესპუბლიკის შსს-ის წარმომადგენელთა განცხადებით, სახლი ქალაქის მაცხოვრებლებს 31 წლის მამაკაცსა და 53 წლის ქალს ეკუთვნოდა. ხანძრის ჩაქრობის შემდეგ მაშველებმა სახლში 12 ადამიანის ცხედარი აღმოაჩინეს.
გარდაცვლილთა ვინაობა დგინდება. დაწყებულია გამოძიება.
