აშშ-ის სენატმა ყოფილი გენერალური პროკურორის მოვალეობის შემსრულებელი მეთიუ უიტაკერი ნატოში აშშ-ის ელჩად დაამტკიცა. ამის შესახებ Politico იუწყება.

უიტაკერის კანდიდატურა სენატმა სამშაბათს 52 ხმით 45 წინააღმდეგ დაამტკიცა.

გასულ ნოემბერში აღნიშნულ თანამდებობაზე ტრამპის მიერ უიტაკერის კანდიდატურის დასახლება მოულოდნელი იყო აშშ-ის მოკავშირეებისთვის, რადგან უიტაკერი უცნობი იყო ეროვნული უსაფრთხოების ასპარეზზე და ჰქონდა მცირე გამოცდილება საგარეო პოლიტიკაში.

მოსალოდნელია, რომ უიტაკერი გააგრძელებს ტრამპის კამპანიას, რათა აიძულოს ნატო-ს წევრები გაზარდონ თავდაცვის ხარჯები.

სენატის მოსმენაზე დამტკიცებამდე უიტაკერმა თქვა, რომ ტრამპის ადმინისტრაციის ერთგულება ნატო-ს მიმართ ურყევი.

უიტაკერის დამტკიცება რამდენიმე საათით შეყოვნდა დემოკრატი სენატორის კორი ბუკერის რეკორდულად ხანგრძლივი სიტყვით გამოსვლის გამო, რომელმაც სასესიო დარბაზში პროტესტის ნიშნად, 25 საათზე მეტი გაატარა ტრამპის ადმინისტრაციისა და რესპუბლიკელი კონგრესმენების ქმედებების გამო.