სტამბოლში გამართულ მოლაპარაკებებზე რუსეთის დელეგაციამ უკრაინას რამდენიმე არარეალისტური მოთხოვნა წაუყენა. ერთ-ერთი მათგანი უკრაინის თავდაცვის ინდუსტრიის დემონტაჟი იყო. ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა, გამოცემა Rzeczpospolita-თან ინტერვიუში განაცხადა.

„მედინსკიმ ([ტამბოლში რუსეთის დელეგაციის ხელმძღვანელი ვლადიმირ მედინსკი] წაიკითხა ბარათიდან მოთხოვნები. ისინი მიიჩნევენ, რომ უკრაინამ უნდა დათმოს ის ტერიტორიებიც კი, რომლებიც რუსეთს ჯერ არ აქვს ოკუპირებული... მათ ასევე სურთ ჩვენი სუვერენიტეტის წართმევა, რათა უარი ვთქვათ ნებისმიერ სამხედრო ალიანსში მონაწილეობაზე“, - განაცხადა მან პოდოლიაკმა.

პოდოლიაკმა აღნიშნა, რომ რუსებმა მოითხოვეს, რომ უკრაინამ უარი თქვას თავდაცვის ინდუსტრიაზე და არ მიიღოს იარაღი დასავლეთის ქვეყნებისგან. მან აღნიშნა, რომ რუსეთის დელეგაციამ გაიმეორა მოთხოვნები, რომელთა შესრულებაც შეუძლებელია.

პოდოლიაკი მიიჩნევს, რომ სტამბოლში გამართული მოლაპარაკებები ფარსი იყო, რადგან ვლადიმირ პუტინი ომის დასრულებას არ აპირებს.

მან აღნიშნა, რომ რუსები პროვოკაციულად და უხეშად იქცეოდნენ, ისევე როგორც ეს 2022 წლის მარტში მოლაპარაკებების დროს მოხდა. ისინი ცდილობენ, შეურაცხყოფა მიაყენონ საპირისპირო მხარეს მყოფ თანამოსაუბრეებს... და ისინი ისე იქცევიან, თითქოს ომი გუშინ დაიწყო. ეს კლასიკური რუსული დიპლომატიაა“, - თქვა პოდოლიაკმა.