აშშ-ის შეიარაღებული ძალები ახლო აღმოსავლეთში თავდაცვით პოზიციას იკავებს, ვაშინგტონი კი ირანის გარშემო არსებული სიტუაციის მშვიდობიან მოგვარებას ცდილობს. ამის შესახებ აშშ-ის თავდაცვის მდივანმა პიტ ჰეგსეთმა განაცხადა. მისი თქმით, ეს არის მშვიდობა ძალის მეშვეობით.

რეგიონში თავდაცვით პოზიციას ვიკავებთ და სამშვიდობო შეთანხმებას ვეძებთ. და ჩვენ, რა თქმა უნდა, ვიმედოვნებთ, რომ ეს მოხდება. ჩვენ ფხიზლად და მომზადებულები ვრჩებით. თავიდანვე ვამბობდით, რომ რეგიონში ჩვენი ხალხისა და რესურსების დასაცავად ვიმყოფებით“, - განაცხადა მან Fox News-თან ინტერვიუში.

მან დასძინა, რომ აშშ-ის პრეზიდენტ დონალდ ტრამპს კვლავ სურს თეირანთან შეთანხმების მიღწევა ისლამური რესპუბლიკის ბირთვულ პროგრამაზე და რომ „[ამერიკელი ლიდერის] პოზიცია ამ საკითხთან დაკავშირებით არ შეცვლილა“.

„რასაც რეალურ დროში უყურებთ არის მშვიდობა ძალის მეშვეობით და ამერიკა უპირველეს ყოვლისა. ჩვენი საქმეა, ვიყოთ ძლიერები. ჩვენ თავდაცვითი პოზიციები გვაქვს რეგიონში. თავდაცვის მდივნის რანგში ჩემი საქმეა ამერიკელების უსაფრთხოებაზე ზრუნვა და იმის უზრუნველყოფა, რომ ჩვენ ძლიერ პოზიციაში ვიყოთ სამშვიდობო შეთანხმების მიღწევისკენ მისწრაფებაში და იმედი გვაქვს, რომ ეს მოხდება.  პრეზიდენტმა ტრამპმა ნათლად განაცხადა, რომ [შეთანხმება] კვლავ განხილვის საგანია. კითხვა ისმის, ხელს მოაწერს თუ არა მას ირანი“, - თქვა ჰეგსეთმა.