ევროპის საბჭოს პრეზიდენტმა ანტონიო კოშტამ განაცხადა, რომ ევროკავშირს სჭირდება ერთიანი თავდაცვის სისტემა, რომელიც ეფექტურად შეაკავებს რუსეთს.

კოშტამ ამის შესახებ ბრიუსელში, ევროპული საბჭოს სხდომის შემდეგ გამართულ პრესკონფერენციაზე ისაუბრა.

კოშტამ განაცხადა, რომ უსაფრთხოების მზარდი გამოწვევების კონტექსტში, რომლებიც ძირითადად რუსეთის აგრესიას უკავშირდება, ევროკავშირს აღარ შეუძლია თავს უფლება მისცეს გაატაროს ფრაგმენტული თავდაცვის პოლიტიკა.

მისი თქმით, ამის ნაცვლად, საჭიროა კოორდინირებული, საერთოევროპული სისტემა.

ევროპის საბჭოს ხელმძღვანელმა ხაზი გაუსვა თითოეულ სახელმწიფოში თავდაცვის შესაძლებლობების დუბლირების დამკვიდრებულ პრაქტიკაზე ურის თქმის აუცილებლობას და მოუწოდა ძალისხმევის კონსოლიდაციისკენ, რომელიც ითვალისწინებსერთობლივ შესყიდვებს, თავდაცვის ინდუსტრიის განვითარებას და კერძო კაპიტალის მოზიდვას.

„ჩვენ გვჭირდება საერთო ევროპული თავდაცვის სისტემის შექმნა და აგრესიის შეკავება. ჩვენ არ გვჭირდება ერთი და იგივე შესაძლებლობების დუბლირება ყველა წევრ სახელმწიფოში. ჩვენ არ გვჭირდება   ინვესტიციები 27-ჯერ გავამრავლოთ თავდაცვაში. ჩვენ გვჭირდება ეფექტურობა და ტვირთის სამართლიანი განაწილება,“ - განაცხადა კოშტამ.

ამ მიდგომის ფარგლებში, ევროპის თავდაცვაში ინვესტიციების პირველი პაკეტი ხორციელდება SAFE ინსტრუმენტის მეშვეობით - ფინანსური მექანიზმი, რომელიც ხელს შეუწყობს ხარჯების რაციონალიზაციას და ევროკავშირის სტრატეგიული ავტონომიის გაძლიერებას.

„ჩვენ ვმუშაობთ იმაზე, თუ როგორ დავხარჯოთ უფრო ეფექტურად, ჩავდოთ ინვესტიციები ერთად უფრო რაციონალურად, უფრო ეფექტურად, როგორც გუნდმა - მოთხოვნის გაერთიანებით, ერთობლივი შესყიდვებით, სტანდარტიზაციითა და გამარტივებით, ევროპული კვლევის, ევროპული ინდუსტრიის, ევროპული სამუშაო ადგილების გაძლიერებით“, - განაცხადა კოშტამ.