აშშ-ის პრეზიდენტმა დონალდ ტრამპმა ჩინეთიდან იმპორტირებულ საქონელზე ტარიფების დაწესება კიდევ 90 დღით გადადო. მან შესაბამის ბრძანებულებას ორშაბათს, 11 აგვისტოს მოაწერა ხელი

ტარიფები ძალაში სამშაბათს, 12 აგვისტოს უნდა შესულიყო, თუმცა ტრამპმა თავისი განკარგულებით ისინი ნოემბრის შუა რიცხვებამდე გადადო.

"ტარიფების გადადება მოსალოდნელი შედეგი იყო ამერიკელ სავაჭრო წარმომადგენლებსა და მათ ჩინელ კოლეგებს შორის მოლაპარაკებების ბოლო რაუნდისა, რომელიც ივლისის ბოლოს, სტოკჰოლმში გაიმართა", - წერს CNBC.

გადადების გარეშე, აშშ-ის მიერ ჩინეთისთვის დაწესებული ტარიფები 145%-მდე გაიზრდებოდა, ხოლო პეკინის საპასუხო ტარიფები 125%-მდე.

2025 წლის მაისში, შეერთებული შტატები და ჩინეთი შეთანხმდნენ, რომ ტარიფებს აშშ 145%-დან 30%-მდე შეამცირებს, ხოლო ჩინეთი - 125%-დან 10%-მდე. ტარიფების ეს შემცირება 90 დღით ამოქმედდა, 12 აგვისტომდე, რაც კიდევ ერთხელ გადავადდა, ამჯერად 10 ნოემბრამდე.