დღეს 20:00 საათზე, შესაძლოა, ტელეკომპანა ,,მაესტრომ“  მაუწყებლობა შეწყვიტოს. ამის შესახებ შპს "ტელეკომპანია მაესტროს" ერთ-ერთმა დამფუძნებელმა ბაჩო კიკაბძემ განაცხადა.   

“ისეთი შთაბეჭდილება დამრჩა, თითქოს, ჭიქა ჩაისთან ისხდნენ ლევან გაჩეჩილაძე და ბატონი მოსამართლე და რასაც ჭორაობდნენ, ყველაფერი გადაიტანეს ფურცელზე. თუმცა, მანდ ბევრი უზუსტობებია და ამ განჩინების შესაბამისად შესაძლებელია, საერთოდ შეწყდეს ,,მაესტროს”  სახელის გამოყენება ყველა კომპანიისთვის”,- განაცხადა ბაჩო კიკაბიძემ. 

თბილისის საქალაქო სასამართლომ დღეს ,,მაესტროს“ გაკოტრების გადაწყვეტილება შეაჩერა, ასევე შპს ,,ტელეკომპანია მაესტროს" აეკრძალა სასაქონლო ნიშნის - ,,მაესტრო Maestro" გამოყენება და ამ დასახელების შემცველი სასაქონლო ნიშნის გამოყენებით სატელევიზიო მაუწყებლობა სასამართლოს საბოლოო გადაწყვეტილების კანონიერ ძალაში შესვლამდე.