მოსკოვში ააფეთქეს ავტომობილი, რომელშიც რუსეთის შეიარაღებული ძალების გენერალური შტაბის ოპერატიული მომზადების დეპარტამენტის უფროსი, გენერალ - ლეიტენანტი ფანილ სარვაროვი იმყოფებოდა. ის დაიღუპა.

ინფორმაციას რუსეთის საგამოზიებო კომიტეტის ავრცელებს.

საგამოძიებო კომიტეტის ცნობით, გენერალ-ლეიტენანტი სარვაროვი მოსკოვში, იასენევაიას ქუჩაზე ავტომობილის აფეთქების შედეგად დაიღუპა.

რუსეთში სისხლის სამართლის საქმე აღიძრა მკვლელობისა და ასაფეთქებელი ნივთიერებების უკანონო ბრუნვის ბრალდებით.

რუსეთის საგამოძიებო კომიტეტის ცნობით, 22 დეკემბრის დილით, იასენევაიას ქუჩაზე, ავტომობილის ქვეშ დამონტაჟებული ასაფეთქებელი მოწყობილობა აფეთქდა. სარვაროვი მიღებული ჭრილობების შედეგად დაიღუპა. რუსული ტელეგრამ-არხები იუწყებიან, რომ სარვაროვი მონაწილეობდა უკრაინის წინააღმდეგ ომში. მან ასევე მონაწილეობა მიიღო ჩეჩნეთსა და სირიაში სამხედრო ოპერაციებში.