კრაინის საგარეო საქმეთა მინისტრმა ანდრიი სიბიჰამ განაცხადა, რომ ბოლო 24 საათის განმავლობაში რუსეთს არ წარმოადგენია რაიმე მტკიცებულება უკრაინის მიერ პუტინის რეზიდენციაზე სავარაუდო თავდასხმის შესახებ.

სიბიჰამ აღნიშნა, რომ რუსეთის ფედერაცია არც არაფერს წარმოადგენს, რადგან თავდასხმა არ ყოფილა. ამის შესახებ სიბიჰა X-ზე წერს.

„თითქმის ერთი დღე გავიდა და რუსეთს ჯერ კიდევ არ წარმოუდგენია რაიმე სამართლებრივი მტკიცებულება უკრაინის წინააღმდეგ პუტინის რეზიდენციაზე სავარაუდო თავდასხმის შესახებ ბრალდებების დასადასტურებლად და ვერც წარადგენს. რადგან ის არ არსებობს. ასეთი თავდასხმა არ ყოფილა.

ჩვენი იმედგაცრუება და შეშფოთება გამოიწვია არაბთა გაერთიანებული საამიროების, ინდოეთისა და პაკისტანის მხარეების განცხადებებმა, რომლებშიც გამოთქმული იყო შეშფოთება არშემდგარი თავდასხმის გამო.

ეს განსაკუთრებით გასაკვირია იმის გათვალისწინებით, რომ სამივე სახელმწიფომ ოფიციალური განცხადებები არ გააკეთა, როდესაც 2025 წლის 7 სექტემბერს რეალური რუსული რაკეტა უკრაინის მთავრობის შენობას მოხვდა“, - წერს სიბიჰა.

სიბიჰამ აღნიშნა, რომ რუსეთს ცრუ განცხადებებს დიდი ისტორია აქვს.